Musin Duren

Bulan Desember, biasonyo di Jambi lagi musim durian atau orang kito nyebutnyo ‘Duren’. Sempat dibikin ngiler samo kawan, pas dio bilang hargo duren lagi murah2nyo. Dak nanggung-nanggung, sekok tu seribu. Dasarnyo doyan kali yo, dengar gitu be lah pengen. Sayang, jauh di negeri orang. Yang ketemu pun, hargonyo 10 kali lipat. Kapan balek yo?

Nah, buat hiburan ado postingan lagu anak daerah Jambi ne. Jangan ketawo dulu….

“ Musim Duren”

Musim duren tibo

Baunyo lah nyengat

Orang di dusun

Lah tegak pondok ngadang

Kalu angin datang

Senang nian ati

Tedengar bunyi ‘buk!’

Tengoklah kalu iyo

Ado yang dijual

Ado yang dimakan

Sisonyo jadi tempoyak

Kwak.. kwak..kwak…

Ingat pertamo kali dengar lagu ne, pas kelas 5 SD. Tegelak2 samo mama beduo, ado2 be yg bikin lagu ne. tapi, kalu dipikir2 sekarang ne, cukuplah jadi pengobat rindu. Alhamdulillah, kemaren sempat nyicip duren. Gratis pula. Dasar! Gitulah gawe anak perantau kos2an, mahasiswa pulak!